Allyriadau tiriogaethol nwyon ty gwydr yn ôl sector (cilodunnell o garbon deuocsid cyfatebol).
Casgliad data a dull cyfrifo
Mae'r holl amcangyfrifon allyriadau yn cynnwys y fasged o 7 nwyon ty gwydr Kyoto mewn cilodunnell o CO2 cyfatebol. Mae data yn y ciwb hwn yn cynnwys allyriadau o hedfan a morgludiant rhyngwladol fel 'Allforion', mae'r allyriadau hyn wedi'u cynnwys yn y targedau yn Neddf yr Amgylchedd (Cymru).
Mae rhaglen parhaus o waith ymchwil a gwella'r rhestr yn sicrhau bod y rhestr yn adlewyrchu'r dealltwriaeth wyddonol ddiweddaraf a’r cytundebau rhyngwladol diweddaraf ar gofnodi allyriadau. Bob blwyddyn mae'r set ddiweddaraf o ddata yn cael ei ychwanegu at y rhestr a'r gyfres lawn yn cael ei ddiweddaru gan gymryd i ystyriaeth gwell data ac unrhyw ddatblygiadau o ran y fethodoleg a ddefnyddiwyd i amcangyfrif yr allyriadau. Mae diweddaru'r gyfres llawn, gan ail-gyfrifo lle bo angen, yn broses bwysig gan ei fod yn sicrhau bod y set ddata allyriadau llawn yn seiliedig ar y data diweddaraf sydd ar gael, a bod yr amcangyfrifon yn cael eu cyfrifo gan ddefnyddio dull cyson ar draws y gyfres llawn .
Ansawdd ystadegol
Mae'r cynhyrchwyr yn cael eu harchwilio ac mae’r ffynhonnell yn destun rhaglen flynyddol o adolygiadau trylwyr arbenigol (CU, yr UE), ac adolygiadau dwyochrog a chyfoedion. Mae'r gweithgareddau hyn yn dadansoddi'r dulliau, tybiaethau a’r ffynonellau sy'n sail i gyflwyniadau’r DU ac asesu'r tryloywder, cywirdeb, cyflawnder, cysondeb a chymaroldeb (yn erbyn gwledydd adrodd eraill) o'r rhestr DU.