Sefydliad cyhoeddi

Llywodraeth Cymru

Ffynhonnell 1

Amcanestyniadau poblogaeth ar gyfer ardaloedd Parciau Cenedlaethol yng Nghymru ar sail 2014, Llywodraeth Cymru

Cyswllt ebost

ystadegau.poblogaeth@llyw.cymru

Dynodiad

Ystadegau Gwladol

Lefel isaf o ddadelfennu daearyddol

Parciau Cenedlaethol

Cwmpas daearyddol

Cymru

Cwmpas ieithyddol

Saesneg a Chymraeg

Trwyddedu data

Gallwch ddefnyddio ac ailddefnyddio'r data hwn am ddim mewn unrhyw fformat neu gyfrwng, dan delerau'r Drwydded Llywodraeth Agored - gweler http://www.nationalarchives.gov.uk/doc/open-government-licence-cymraeg

Teitl

Amcanestyniadau poblogaeth Parciau Cenedlaethol Cymru sail 2014, 2014 i 2039

Diweddariad diwethaf

26 Gorfennaf 2017 26 Gorfennaf 2017

Diweddariad nesaf

Dim yn diweddaru, bydd hyn yn cael eu disodli gan amcanestyniad dyfodol.

Disgrifiad cyffredinol

Mae'r set ddata hon yn rhoi amcanestyniadau poblogaeth ar gyfer y Parciau Cenedlaethol ac Ardaloedd Gweddilliol Awdurdodau Lleol yng Nghymru yn ôl rhyw, blwyddyn sengl oedran a phob blwyddyn o'r flwyddyn sail sef 2014, trwy gyfnod yr amcanestyniad i 2039.

Nodwch fod yr amcanestyniadau'n mynd yn fwyfwy ansicr po bellaf yr ydym yn ceisio edrych i'r dyfodol.

Casgliad data a dull cyfrifo

Mae amcanestyniadau poblogaeth yn rhoi amcangyfrifon o faint y boblogaeth yn y dyfodol, ac yn cael eu seilio ar dybiaethau ynghylch genedigaethau, marwolaethau ac ymfudo. Mae'r tybiaethau'n cael eu seilio ar dueddiadau'r gorffennol. Nid yw amcanestyniadau ond yn awgrymu beth all ddigwydd os yw'r tueddiadau diweddar yn parhau. Nid yw amcanestyniadau a wneir fel hyn yn caniatáu ar gyfer effeithiau polisïau llywodraeth leol neu ganolog ar lefelau'r boblogaeth yn y dyfodol, dosbarthiad a newid.

Mae amcangyfrifon poblogaeth 2014 wedi cael eu defnyddio fel sail i amcanestyniadau'r Parciau Cenedlaethol. Mae'r boblogaeth amcanestynedig ar gyfer 30 Mehefin bob blwyddyn. Mae'r amcangyfrifon poblogaeth sail wedi'u seilio ar y boblogaeth breswyl arferol. Caiff preswylwyr arferol sydd oddi cartref dros dro eu cynnwys, ond caiff ymwelwyr eu heithrio. Caiff myfyrwyr eu cyfrif yn eu cyfeiriad yn ystod y tymor. Dylid nodi hefyd y defnyddir diffiniad y Cenhedloedd Unedig o ymfudwr rhyngwladol - y rheiny sy'n newid gwlad breswyl am gyfnod o 12 mis o leiaf. Ni chaiff ymfudwyr tymor byr (e.e. gweithwyr ymfudol o wledydd Dwyrain Ewrop) eu cyfrif yn yr amcangyfrifon poblogaeth ac felly ni chânt eu cynnwys yn yr amcanestyniadau poblogaeth.

Mae'r amcanestyniadau hyn wedi'u seilio ar fethodoleg debyg i'r amcanestyniadau poblogaeth sail 2014 ar gyfer awdurdodau parciau cenedlaethol. Gellir gweld gwybodaeth fanwl am y fethodoleg trwy ddilyn y dolenni gwe. Ar gyfer amcanestyniadau'r Parciau Cenedlaethol, cafwyd data ffrwythlondeb, marwolaethau ac ymfudo o'r Swyddfa Ystadegau Gwladol ar gyfer y tri Pharc Cenedlaethol ac fe'u defnyddiwyd i lunio tybiaethau. Nid oedd y fethodoleg yn wahanol ond pan nad oedd y data gofynnol ar gael ar lefel Parc Cenedlaethol. Yr unig grwp poblogaeth arbennig a gynhwyswyd yn yr amcanestyniadau poblogaeth ar gyfer y Parciau Cenedlaethol oedd y lluoedd arfog cartref.

Amlder cyhoeddi

Bob tair blynedd

Cyfnodau data dan sylw

Mae data'n cael eu cyhoeddi ar gyfer y cyfnod 2014 i 2039.

Defnyddwyr, defnydd a chyd-destun

Gweler y datganiad ystadegol o amcanestyniadau poblogaeth awdurdodau parciau cenedlaethol trwy ddilyn y dolenni gwe.

Talgrynnu wedi'u ddefnyddio

Mae'r data wedi'u talgrynnu'n annibynnol i'r rhif cyfan agosaf ac mae'n bosibl na fyddant yn adio'n union.

Gwybodaeth am ddiwygiadau

Ni wnaethpwyd unrhyw ddiwygiadau i'r data a gyhoeddwyd ar gyfer 2014. Disodlodd y data hyn amcanestyniadau poblogaeth parciau cenedlaethol 2013 ar gyfer Cymru fel yr amcangyfrifon ffurfiol o dwf y boblogaeth.

Dolenni'r we

National Park authority population projections statistical release: http://gov.wales/statistics-and-research/population-projections-national-parks/?lang=en;
Local authority population projections statistical release: http://gov.wales/statistics-and-research/local-authority-population-projections/?lang=en;
National projections: http://www.ons.gov.uk/ons/rel/npp/national-population-projections/

Allweddeiriau

Amcanestyniadau poblogaeth; twf poblogaeth; ymfudo; newid naturiol; genedigaethau; marwolaethau

Ansawdd ystadegol

Gweler y datganiad ystadegol o amcanestyniadau poblogaeth awdurdodau parciau cenedlaethol trwy ddilyn y dolenni gwe.

Enw

POPU5035