Mae'r Gronfa Cymorth Dewisol (DAF) yn cynnig dau fath o grant. Mae’r Taliad Cymorth i Unigolion (IAP) yn helpu pobl i fyw'n annibynnol yn eu cartref eu hunain neu mewn cartref y maent yn symud i mewn iddo. Mae’r Taliad Cymorth mewn Argyfwng (EAP) yn helpu i dalu am gostau hanfodol, fel bwyd, nwy, trydan, dillad, neu deithio mewn achos o argyfwng.
Yn ystod y pandemig COVID-19, gellid hawlio taliadau EAP am resymau'n ymwneud â COVID-19, megis oedi cyn cael taliadau Credyd Cynhwysol neu hawliadau eraill yr Adran Gwaith a Phensiynau oherwydd y pandemig, ac i dalu am y gostyngiad o £20 mewn taliadau Credyd Cynhwysol a ddigwyddodd ym mis Hydref 2021. Gan fod ffactorau heblaw’r pandemig yn ysgogi'r taliadau hyn bellach, rhoddwyd y gorau yn y tablau hyn i gategoreiddio taliadau EAP fel taliadau "COVID-19" a thaliadau "Arferol" fel y gwneid mewn datganiadau blaenorol. O 1 Ebrill 2023, nid yw COVID-19 ar gael bellach i'w ddewis fel rheswm dros wneud cais am EAP.
O 1 Ebrill 2023 ymlaen bydd pob ymgeisydd yn gymwys i gael 3 taliad mewn cyfnod treigl o 12 mis. (Mae hyn yn cynnwys yr holl taliadau EAP a dderbyniwyd yn flaenorol o fewn y 12 mis diwethaf). Ers 2020, mae pobl a ddioddefodd effeithiau’r pandemig neu yn sgil colli’r codiad o £20 i’r Credyd Cynhwysol wedi gallu derbyn 5 taliad. Bydd y 3 taliad hwn yn uwch o ran gwerth gyda chynnydd chwyddiant o 11% ar bob dyfarniad o’r Taliad Cymorth mewn Argyfwng. Bydd y bwlch o 28 diwrnod rhwng dyddiadau ymgeisio yn gostwng i 7 diwrnod i bob ymgeisydd. Bwriad y newidiadau hyn yw caniatáu defnydd olynol o’r gronfa dros gyfnod byr pan fo argyfwng.
Casgliad data a dull cyfrifo
Mae data DAF yn cael eu darparu i Lywodraeth Cymru gan ein darparwr gwasanaeth NEC Software Solutions UK.
Mae data DAF yn cael eu darparu i Lywodraeth Cymru gan ein darparwr gwasanaeth NEC Software Solutions UK. Nid yw'r data'n mynd drwy unrhyw brosesau dilysu ffurfiol ac felly nid ydynt yn cael eu cyhoeddi fel Ystadegyn Gwladol.
Fydd yr Rhagfyr datganiad i’r Gronfa Cymorth Dewisol (sy’n edrych ar y cyfnod hyd at diwedd mis Medi) fydd yr ryddhau terfynol yn y fformat cyfredol. O 2024 ymlaen, bydd data ar Gronfa Cymorth Dewisol yn cael ei gyhoeddi’n chwarterol a bydd ffigurau’n cael eu gyflwyno’n fisol yn hytrach nag wythnosol. Bydd y datganiadau chwarterol yn cynnwys adroddiad HTML yn ogystal â thablau StatsCymru ac yn darparu dadansoddiadau yn ôl oedran ac awdurdod lleol.