Amcanestyniadau o'r boblogaeth yn ôl awdurdod lleol a blwyddyn
None
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
2018Metadata
- Gwybodaeth lefel uchel
- Gwybodaeth cryno
- Dolenni'r we
- Gwybodaeth ansawdd ystadegol
- Allweddeiriau
- Data agored
Teitl
Amcanestyniadau poblogaeth awdurdodau lleol sy'n seiliedig ar 2018 ar gyfer Cymru, 2018 i 2043Diweddariad diwethaf
Awst 2021Diweddariad nesaf
Nid yw’n cael ei ddiweddaru mwyach. Bydd hwn yn cael ei ddisodli gan amcanestyniad yn y dyfodol.Sefydliad cyhoeddi
Llywodraeth CymruFfynhonnell 1
Amcanestyniadau ar gyfer awdurdodau lleol yng Nghymru ar sail 2018, Llywodraeth CymruCyswllt ebost
ystadegau.poblogaeth@llyw.cymruDynodiad
Ystadegau GwladolLefel isaf o ddadelfennu daearyddol
Awdurdodau lleolCwmpas daearyddol
Awdurdodau lleolCwmpas ieithyddol
Saesneg a ChymraegTrwyddedu data
Gallwch ddefnyddio ac ailddefnyddio'r data hwn am ddim mewn unrhyw fformat neu gyfrwng, dan delerau'r Drwydded Llywodraeth Agored - gweler http://www.nationalarchives.gov.uk/doc/open-government-licence-cymraegDisgrifiad cyffredinol
Mae’r set ddata hon yn rhoi amcanestyniadau poblogaeth ar gyfer awdurdodau lleol yng Nghymru yn ôl rhyw, oedrannau unigol a phob blwyddyn o’r flwyddyn sail sef 2018, trwy gyfnod yr amcanestyniad i 2043. Dyma'r pumed set o amcanestyniadau poblogaeth a gyhoeddwyd ar gyfer y 22 awdurdod lleol yng Nghymru.Nodwch fod yr amcanestyniadau'n mynd yn fwyfwy ansicr po bellaf yr ydym yn ceisio edrych i'r dyfodol.
Casgliad data a dull cyfrifo
Mae amcanestyniadau poblogaeth yn rhoi amcangyfrifon o faint y boblogaeth yn y dyfodol, ac yn cael eu seilio ar dybiaethau ynghylch genedigaethau, marwolaethau a mudo. Mae'r tybiaethau'n cael eu seilio ar dueddiadau'r gorffennol. Nid yw amcanestyniadau ond yn awgrymu beth all ddigwydd os yw'r tueddiadau diweddar yn parhau. Nid yw amcanestyniadau a wneir fel hyn yn caniatáu ar gyfer effeithiau polisïau llywodraeth leol neu ganolog ar lefelau'r boblogaeth yn y dyfodol, dosbarthiad a newid.Mae amcangyfrifon poblogaeth 2018 wedi cael eu defnyddio fel sail i amcanestyniadau'r awdurdodau lleol. Mae'r boblogaeth amcanestynedig ar gyfer 30 Mehefin bob blwyddyn. Mae'r amcangyfrifon poblogaeth sail wedi'u seilio ar y boblogaeth breswyl arferol. Caiff preswylwyr arferol sydd oddi cartref dros dro eu cynnwys, ond caiff ymwelwyr eu heithrio. Caiff myfyrwyr eu cyfrif yn eu cyfeiriad yn ystod y tymor. Dylid nodi hefyd y defnyddir diffiniad y Cenhedloedd Unedig o ymfudwr rhyngwladol - y rheiny sy'n newid gwlad breswyl am gyfnod o 12 mis o leiaf. Ni chaiff ymfudwyr tymor byr (e.e. gweithwyr ymfudol o wledydd Dwyrain Ewrop) eu cyfrif yn yr amcangyfrifon poblogaeth ac felly ni chânt eu cynnwys yn yr amcanestyniadau poblogaeth. Mae'r amcanestyniadau wedi'u seilio ar batrwm ymfudo tybiedig sydd wedi'i seilio ar estyn ymlaen y patrymau ymfudo cyfartalog dros y pum mlynedd diwethaf.
Cyhoeddodd y Prif Ystadegydd ddiweddariad ym mis Chwefror 2020, gan nodi’r newidiadau methodolegol a wnaed i’r amcanestyniadau is-genedlaethol ers yr amcanestyniadau is-genedlaethol sy’n seiliedig ar 2014. Roedd hyn yn cynnwys:
• newid y rhagdybiaethau ar gyfer mudo mewnol, fel eu bod yn seiliedig ar gyfraddau mudo yn hytrach na niferoedd sefydlog
• cyfyngu cyfanswm amcanestyniadau poblogaeth is-genedlaethol, a rhai o’r cydrannau, ar gyfer y 22 awdurdod lleol yng Nghymru ar amcanestyniadau poblogaeth cenedlaethol sy’n seiliedig ar 2018 a gyhoeddwyd gan yr ONS
Cyhoeddwyd diweddariad arall ym mis Gorffennaf 2020, yn datgan dyddiad cyhoeddi’r amcanestyniadau poblogaeth ac aelwydydd awdurdodau lleol diwygiedig, a’r penderfyniad i ddychwelyd i beidio â chyfyngu yr amcanestyniadau is-genedlaethol ar y rhai cenedlaethol.
Yn dilyn trafodaethau â grwp Amcanestyniadau Is-genedlaethol Cymru (WaSP), gwnaethom y penderfyniad i ddychwelyd, yn rhannol, i’r fethodoleg flaenorol ar gyfer cyfrifo amcanestyniadau poblogaeth awdurdodau lleol drwy beidio â chyfyngu ar yr amcanestyniadau poblogaeth cenedlaethol. Gwnaed y penderfyniad i gyfyngu i'r amcanestyniadau poblogaeth cenedlaethol yn wreiddiol o ganlyniad i'r amcanestyniadau poblogaeth cenedlaethol anghywir ddangos tuedd wahanol i'r amcanestyniadau poblogaeth awdurdodau lleol. Fodd bynnag, gan nad yw hyn bellach yn wir, rydym wedi dychwelyd i'r fethodoleg wreiddiol o beidio â chyfyngu er mwyn darparu gwell parhad gydag amcanestyniadau poblogaeth awdurdodau lleol blaenorol, fel eu bod yn cael eu llywio'n bennaf gan dueddiadau lleol ar gyfer genedigaethau, marwolaethau a mudo.
Fodd bynnag, rydym wedi cadw'r newid a wnaed i'r tybiaethau ar gyfer mudo mewnol fel eu bod yn parhau i fod yn seiliedig ar gyfraddau mudo yn hytrach na niferoedd penodol.
Byddwn yn parhau i fireinio'r fethodoleg cyn ein amcanestyniadau poblogaeth is-genedlaethol nesaf, gan ystyried adborth defnyddwyr.
Rydym hefyd yn cyhoeddi pum amrywiolyn amcanestyniadau ychwanegol ochr yn ochr â'r prif amcanestyniad. Mae hyn yn cynnwys amrywiolyn poblogaeth isel ac amrywiolyn poblogaeth uchel, yn ogystal â thri amrywiolyn yn seiliedig ar dybiaethau mudo amgen. Mae hyn yn cynnwys amrywiolyn dim mudo, amrywiolyn cyfartaledd mudo 10 mlynedd ac amrywiolyn cyfartaledd mudo 15 mlynedd.
Amlder cyhoeddi
Bob dwy a pedair blyneddCyfnodau data dan sylw
Mae data'n cael eu cyhoeddi ar gyfer y cyfnod 2018 i 2043.Defnyddwyr, defnydd a chyd-destun
Gweler y datganiad ystadegol o amcanestyniadau poblogaeth awdurdodau lleol trwy ddilyn y dolenni gwe.Talgrynnu wedi'u ddefnyddio
Mae'r data wedi'u talgrynnu'n annibynnol i'r rhif cyfan agosaf ac mae'n bosibl na fyddant yn adio'n union.Gwybodaeth am ddiwygiadau
Disodlodd y data hyn amcanestyniadau poblogaeth awdurdodau lleol 2014 ar gyfer Cymru fel yr amcangyfrifon ffurfiol o dwf y boblogaeth.Ddydd Llun 18 Mai 2020, cyhoeddodd yr ONS nodyn ar eu gwefan i roi gwybod i ddefnyddwyr eu bod wedi darganfod gwall a oedd yn effeithio ar yr amcanestyniadau poblogaeth cenedlaethol sy’n seiliedig ar 2018. Roedd y gwall wedi ei achosi gan brosesu mudo rhwng Cymru a Lloegr yn anghywir, gan arwain at amcanestyniad poblogaeth canol-2028 oddeutu 65,000 yn rhy isel yng Nghymru, ac amcanestyniad poblogaeth 65,000 yn rhy uchel yn Lloegr.
Yn dilyn ymgynghori gyda’n grwp arbenigol am y goblygiadau i’n cynnyrch ystadegol a oedd yn seiliedig ar amcanestyniadau poblogaeth cenedlaethol sy’n seiliedig ar 2018, penderfynom ni dynnu’r amcanestyniadau poblogaeth awdurdodau lleol a’r amcanestyniadau aelwydydd sy’n seiliedig ar 2018 oddi ar ein gwefan.
Cyhoeddodd yr ONS amcanestyniadau wedi eu cywiro ar gyfer Cymru ddydd Iau 11 Mehefin. Mae’r amcanestyniadau awdurdodau lleol hyn yn seiliedig ar yr amcanestyniadau poblogaeth cenedlaethol sy’n seiliedig ar 2018 sydd wedi eu cywiro ar gyfer Cymru. Mae gwybodaeth bellach am y cywiriadau ar gael yn y datganiad, yn ogystal â dadansoddiad o sut mae’r amcanestyniadau hyn sydd wedi eu cywiro yn cymharu â’r amcanestyniadau gwreiddiol.
