Disgrifiad cyffredinol

Mae’r bwletin ystadegol blynyddol hwn yn cynnwys data yn ymwneud â throseddau moduro:
Hysbysiadau cosb benodedig gan yr heddlu a Mynychwyr Parcio
Hysbysiadau cosb benodedig y gellir eu hardystio ac na ellir eu hardystio y cyfeirir atynt yn y bwletin hwn
Camau gorfodi parcio sifil a gyflwynwyd gan awdurdodau lleol nad ydynt wedi’u cynnwys yn y bwletin hwn.

Mae data cyfwerth ar gyfer Lloegr i’w weld yn y dolenni ar gyfer y Swyddfa Gartref a’r Weinyddiaeth Gyfiawnder yn adran 2 isod. Mae Transport Scotland yn cyhoeddi nifer y troseddau cerbydau a gofnodwyd gan yr heddlu yn ôl math o drosedd ym mhennod ‘Road Transport Vehicles’ y cyhoeddiad cryno a elwir yn “Scottish Transport Statistics”: (http://www.transport.gov.scot/statistics/scottish-transport-statistics-all-editions). Mae Llywodraeth yr Alban yn cyhoeddi nifer y bobl a fu yn y llys am droseddau cerbydau yn y Bwletin Ystadegol “Criminal Proceedings in Scotland”: (http://www.gov.scot/Topics/Statistics/Browse/Crime-Justice/Datasets/DatasetsCrimProc).
Mae Gwasanaeth Heddlu Gogledd Iwerddon yn cynhyrchu ystadegau ar hysbysiadau cosb benodedig: (https://www.psni.police.uk/inside-psni/Statistics/fixed-penalty-notice-fpn-and-discretionary-disposal-statistics-for-traffic-offences/). Mae Gwasanaeth Llysoedd a Thribiwnlysoedd Gogledd Iwerddon yn cyhoeddi nifer y difinyddion y penderfynwyd ar eu hachos troseddau moduro mewn llys ynadon (http://www.courtsni.gov.uk/en-GB/Services/Statistics%20and%20Research/Pages/default.aspx).

Casgliad data a dull cyfrifo

Ffynhonnell y data
Daw’r wybodaeth am hysbysiadau cosb benodedig ar gyfer troseddau moduro o’r gyfres ddata a gynhyrchwyd gan y Swyddfa Gartref yn ‘Police Powers and Procedures England and Wales’ (https://www.gov.uk/government/collections/police-powers-and-procedures-england-and-wales).

Cwmpas
Mae cwmpas ‘Police Powers and Procedures’ yn cynnwys defnyddio pwerau’r heddlu i gyflwyno hysbysiadau cosb benodedig am droseddau moduro. Mae hwn yn cael ei ddadansoddi yn ôl math o drosedd a sut yr ymdrinnir â nhw (e.e. talu dirwy neu gofrestru dirwy mewn llys). Mae’r data a gyflwynir yn cael ei gymryd o ffurflenni gan heddluoedd yng Nghymru a Lloegr. Mae’r ffigurau hefyd yn cynnwys hysbysiadau a roddwyd gan wardeiniaid traffig cyflogedig yr heddlu am droseddau parcio. Dylid pwysleisio yma bod y rhan fwyaf o wardeiniaid traffig nawr yn cael eu cyflogi gan awdurdodau lleol, ac nad yw eu gweithgareddau’n cael eu cynnwys yma. Isod, ceir rhestr o awdurdodau lleol Cymru sydd wedi cymryd cyfrifoldeb am orfodi parcio a phryd ddigwyddodd hyn:

Castell-nedd Port Talbot - 1 Mehefin 1999
Sir Gaerfyrddin - 1 Mehefin 1999
Sir Ddinbych - 1 Gorffennaf 2004
Conwy - 1 Medi 2006
Gwynedd - 1 Ebrill 2007
Ynys Môn - 1 Ebrill 2007
Wrecsam - 1 Mawrth 2008
Abertawe - 1 Medi 2008
Caerdydd - 5 Gorffennaf 2010
Sir Benfro - 1 Chwefror 2011
Powys - 1 Ebrill 2011
Merthyr Tudful - 11 Ionawr 2012
Ceredigion - 4 Mehefin 2012
Rhondda Cynon Taf - 1 Awst 2012
Pen-y-bont ar Ogwr - 1 Ebrill 2013
Bro Morgannwg - 1 Ebrill 2013
Sir y Fflint - 1 Hyd 2013

Cafodd ystadegau ar hysbysiadau Cywiro Namau Cerbydau yn sgil troseddau moduro eu tynnu o’r bwletin hwn yn 2009.

Amlder cyhoeddi

Blynyddol

Cyfnodau data dan sylw

2011 i 2022

Talgrynnu wedi'u ddefnyddio

Nid oes unrhyw talgrynnu wedi cael ei gymhwyso ar y data. Os nad oes data "0".

Gwybodaeth am ddiwygiadau

Roedd y Swyddfa Gartref wedi ehangu cwmpas y set ddata ar gyfer hysbysiadau cosb benodedig ar gyfer troseddwyr moduro i gynnwys achosion lle'r oedd cwrs ailhyfforddi gyrrwr, megis cwrs ymwybyddiaeth cyflymder, wedi’u mynychu gan yr unigolyn, yn ogystal ag achosion lle'r oedd unigolion yn wynebu achos llys. Fodd bynnag, ni ddarparir gwybodaeth ar y canlyniad o'r rhai a’u gwysiwyd i'r llys, felly nid yw'r data yn cynnwys nifer yr unigolion a’u herlynid am droseddau moduro. Darperir y canlyniadau yma yn y cyhoeddiad hwn am y tro cyntaf, ac mae data cyfres amser yn ôl hyd at 2011 hefyd ar gael.

Teitl

Hysbysiadau cosb benodedig ardystiadwy ac anardystiadwy yn ôl cod rhanbarth, presenoldeb yn y llys a chanlyniad yng Nghymru

Diweddariad diwethaf

20 Mawrth 2024 20 Mawrth 2024

Diweddariad nesaf

Rhagfyr 2024 (Dros dro)

Sefydliad cyhoeddi

Llywodraeth Cymru

Ffynhonnell 1

Ystadegau Hysbysiadau Cosb Benodedig ar gyfer Troseddau Moduro yn Lloegr a Chymru, Y Swyddfa Gartref

Dynodiad

Ystadegau Gwladol

Lefel isaf o ddadelfennu daearyddol

Cymru

Cwmpas daearyddol

Cymru

Cwmpas ieithyddol

Saesneg a Chymraeg

Trwyddedu data

Gallwch ddefnyddio ac ailddefnyddio'r data hwn am ddim mewn unrhyw fformat neu gyfrwng, dan delerau'r Drwydded Llywodraeth Agored - gweler http://www.nationalarchives.gov.uk/doc/open-government-licence-cymraeg

Dolenni'r we

https://llyw.cymru/troseddau-moduro; https://www.gov.uk/government/collections/police-powers-and-procedures-england-and-wales

Ansawdd ystadegol

Ansawdd yr Ystadegau
Defnyddir yr ystadegau o fewn a thu allan i Lywodraeth Cymru i fonitro tueddiadau mewn troseddau gyrru ac fel llinell sylfaen ar gyfer dadansoddi pellach.

Amseroldeb a Phrydlondeb
Mae’r ystadegau ar achosion llys yn ymwneud ag achosion mewn llysoedd ynadon yng Nghymru yn ystod y 12 mis a ddaeth i ben ym mis Rhagfyr 2015.

Cywirdeb, cymharedd a chysondeb
O fis Mehefin 2012, cyflwynwyd PentiP, system genedlaethol newydd ar gyfer prosesu hysbysiadau cosb benodedig, mewn heddluoedd yng Nghymru a Lloegr, gan ddisodli system Gweithdrefnau Cerbydau a Swyddfa Cosbau Penodedig (VP/FPO). Cyflwynir data VP/FPO, a ddarparwyd i’r Swyddfa Gartref gan heddluoedd unigol, yn y bwletin hwn ar gyfer blynyddoedd 2007 i 2011 fel y gellir cymharu nifer yr hysbysiadau cosb benodedig a gyhoeddwyd yn y cyfnod hwnnw. Mae’r data ar gyfer pob heddlu o 2011 wedi’i gymryd yn ganolog o PentiP, er mwyn gallu cymharu o 2011 ymlaen. Yn gyffredinol, mae ffigurau PentiP ychydig yn is na’r rhai cyfwerth o VP/FPO; mae ffigurau PentiP ar gyfer hysbysiadau a gyhoeddwyd yng Nghymru a Lloegr yn 2011 tua 5% yn is na’r rhai a gafwyd o VP/FPO. Mae’r canllaw i ddefnyddwyr yn cynnwys rhagor o wybodaeth am ddiffiniadau, deddfwriaeth, gweithdrefn a’r newid i PentiP
(https://www.gov.uk/government/publications/police-powers-and-procedures-in-england-and-wales-201112-user-guide).

O fis Mehefin 2012, cafodd PentiP, system genedlaethol newydd ar gyfer prosesu Hysbysiad Cosb Benodedig, ei chyflwyno mewn heddluoedd ledled Cymru a Lloegr, gan ddisodli'r system Gweithdrefnau Cerbydau a'r Swyddfa Cosb Benodedig (VP / FPO).

Allweddeiriau

Y gellir ei ardystio, na ellir ei ardystio, hysbysiadau cosb benodedig, canlyniad,

Enw

TRAN0121