Teitl

Ystadegau'r Dreth Trafodiadau Tir preswyl, yn ôl ardal adeiledig, math o drafodiad, mesur a cyfnod treigl 4 chwarter dod i rym

Diweddariad diwethaf

7 Awst 2025 7 Awst 2025

Diweddariad nesaf

30 Hydref 2025

Sefydliad cyhoeddi

Awdurdod Cyllid Cymru

Ffynhonnell 1

Ffurflenni Treth Trafodiadau Tir, Awdurdod Cyllid Cymru

Cyswllt ebost

data@acc.llyw.cymru

Dynodiad

Dim

Lefel isaf o ddadelfennu daearyddol

Ardal adeiledig

Cwmpas daearyddol

Cymru

Cwmpas ieithyddol

Saesneg a Chymraeg

Trwyddedu data

Gallwch ddefnyddio ac ailddefnyddio'r data hwn am ddim mewn unrhyw fformat neu gyfrwng, dan delerau'r Drwydded Llywodraeth Agored - gweler http://www.nationalarchives.gov.uk/doc/open-government-licence-cymraeg

Disgrifiad cyffredinol

Ar 1 Ebrill 2018, cafodd Treth Dir y Dreth Stamp ei disodli gan y Dreth Trafodiadau Tir (TTT) ar eiddo preswyl ac amhreswyl a buddiannau tir sy’n cael eu prynu yng Nghymru. Mae cyfraddau treth a bandiau treth TTT yn amrywio yn ôl y math o drafodiad.

Rhaid i drethdalwyr hysbysu’r Awdurdod am bob trafodiad tir sydd â gwerth uwch na £40,000. Ceir amgylchiadau hefyd lle nad yw rhai trafodiadau les penodol yn hysbysadwy os ydynt yn para am lai na 7 mlynedd. Wrth ffeilio ffurflen TTT, bydd gan y sefydliad sy'n talu'r ffurflen dreth 30 diwrnod ar ôl y dyddiad dod i rym i gyflwyno a thalu'r ffurflen.

Mae'r set ddata hon yn cynnwys amcangyfrifon o drafodiadau preswyl hysbysadwy TTT a dderbyniwyd gan yr Awdurdod erbyn diwedd 21 Gorffenaf 2025.

Ni ellir cynhyrchu ystadegau dibreswyl dibynadwy gan fod nodi'r ardal adeiledig gywir yn dibynnu ar y ddarpariaeth cod post ar gyfer yr eiddo a'r tir fel rhan o bob trafodiad.
Gan fod tuedd gynhenid tuag at drafodiadau amhreswyl mwy yn yr achosion pan fydd codau post ar goll neu godau post annilys yn cael eu darparu, nid yw eu canlyniadau'n ddigon cyflawn nac ystyrlon i'w cyhoeddi.

Mae'r set ddata yn cynnwys dadansoddiad yn ôl:
- y math o drafodiad: preswyl yn unig ond (gan gynnwys is-gategorïau ar gyfer trafodiadau prif gyfradd a rhai cyfradd uwch)
- ardal adeiledig (AA): Caiff pob AA gyda phoblogaeth o lai na 2000 eu grwpio gyda'i gilydd oherwydd y niferoedd isel o drafodion yn yr ardaloedd hyn. Os oes gan yr AA israniadau cysylltiedig (IAAs), defnyddir y rhain pan fo poblogaeth yr AA yn fwy na 2000. Lle mae cod post y trafodyn yn ddilys ond nad oes AA sy'n gysylltiedig â'r cod post hwn, mae'r ffigurau hyn wedi'u rhannu i'r ardaloedd mwyaf poblog a lleiaf prin eu poblogaeth (gan ddefnyddio dosbarthiad gwledig-trefol yr Ystadegau Gwladol). Rydym wedi defnyddio’r Ardaloedd Adeiledig diweddaraf yn y datganiad hwn, gan adlewyrchu’r daearyddiaethau diweddaraf o Gyfrifiad 2021.
- mesur: nifer y trafodiadau, treth sy'n ddyledus, gwerth yr eiddo a drethir, y dreth gyfartalog sy'n ddyledus fesul trafodiad a gwerth cyfartalog yr eiddo sy'n cael ei drethu

Ceir cyfran gymharol fach o drafodiadau preswyl pan fydd y cod post ar gyfer yr eiddo a'r eitemau tir ar goll neu'n annilys. Mae hyn yn golygu na ellir dynodi'r ardal adeiledig. Er cymhariaeth, mae'r cyfansymiau ar gyfer yr ardaloedd a ddangosir yn y set ddata hon yn ymwneud yn unig â'r trafodion hynny lle mae'r ardal adeiledig yn hysbys, ac am y rheswm hwnnw ni fyddant yn cyfateb i'r cyfanswm ar gyfer Cymru a ddangosir mewn setiau data eraill.

Mae esboniad llawn o sut y dylid dehongli'r set ddata hon, yn enwedig yng nghyd-destun trafodiadau cyfraddau uwch, i'w gweld yma: https://llyw.cymru/eglurhad-o-ystadegau-ardaloedd-lleol-awdurdod-cyllid-cymru-2022-hyd-2023-html

Casgliad data a dull cyfrifo

Gweler y dolenni

Amlder cyhoeddi

Chwarterol

Cyfnodau data dan sylw

Dangosir y data yn ôl y flwyddyn ariannol (Ebrill i Fawrth) y daeth y trafodiad i rym.

Defnyddwyr, defnydd a chyd-destun

Mae'r ystadegau hyn wedi'u sefydlu er mwyn bodloni gofyniad uniongyrchol y defnyddiwr am ddata ar weithredu TTT, wedi sefydlu'r Awdurdod. Mae ein defnyddwyr allweddol yn gydweithwyr o Drysorlys Cymru o fewn Llywodraeth Cymru, y Swyddfa Cyfrifoldeb Cyllidebol, ac awdurdodau treth eraill yn y Deyrnas Unedig.

Talgrynnu wedi'u ddefnyddio

Caiff y gwerthoedd yn y set ddata hon eu talgrynnu i'r 10 trafodiad agosaf, i’r £0.1 miliwn agosaf o ran treth sy’n ddyledus, ac i’r £1 miliwn agosaf ar gyfer gwerth yr eiddo sy'n cael ei drethu. Dangosir y dreth gyfartalog sy'n ddyledus fesul trafodiad i'r £10 agosaf, tra dangosir y gwerth cyfartalog fesul trafodiad i'r £1000 agosaf.

Gwybodaeth am ddiwygiadau

Gall ystadegau Treth Trafodiadau Tir gael eu diwygio. Wrth ffeilio ffurflen TTT, bydd gan y sefydliad sy'n talu'r ffurflen dreth 30 diwrnod ar ôl y ‘dyddiad dod i rym’ i gyflwyno a thalu'r ffurflen. Y dyddiad dod i rym yw’r dyddiad pan fydd y dreth yn dod yn daladwy, fel arfer pan fydd trafodiad ar eiddo yn cael ei gwblhau.

Mae’n anhebygol y bydd y set ddata hon (sy’n ffigurau blynyddol) yn cael ei heffeithio gan drafodiadau pellach na chyflwynwyd erbyn mis Mehefin y flwyddyn ganlynol. Fodd bynnag, gall y gwerthoedd ar gyfer trafodiadau presennol gael eu diwygio am nifer o flynyddoedd a gall arwain at rai diwygiadau pan gaiff y data hyn eu diweddaru nesaf. Bydd hyn, yn enwedig, o ganlyniad i ad-daliadau cyfraddau uwch. Pan fydd ad-daliad TTT preswyl cyfraddau uwch yn cael ei hawlio, mae'r trafodiad gwreiddiol yn cael ei ddiwygio i drafodiad TTT preswyl prif gyfradd. Mae gan y trethdalwr hyd at dair blynedd i werthu ei brif breswylfa flaenorol a hawlio ad-daliad.

Ansawdd ystadegol

Gweler y dolenni

Dolenni'r we

https://llyw.cymru/ystadegau-treth-trafodiadau-tir
https://llyw.cymru/gwybodaeth-allweddol-am-ansawdd-ystadegaur-dreth-trafodiadau-tir
https://llyw.cymru/treth-trafodiadau-tir-canllaw

Allweddeiriau

Treth Trafodiadau Tir; Treth

Enw

WRAX0011

Set Ddata

OData (JSON) https://statscymru.llyw.cymru/Download/File?fileName=WRAX0011.zip

Metadata

OData (JSON) https://statscymru.llyw.cymru/Download/File?fileName=WRAX0011.xml

Dimensiynau

OData (JSON) https://statscymru.llyw.cymru/Download/File?fileName=WRAX0011_dimensions.csv

Eitemau

OData (JSON) https://statscymru.llyw.cymru/Download/File?fileName=WRAX0011_dimensionitems.csv